Politike

Reagon Parlamenti Europian dhe i jep një tjetër shuplakë opozitës

Kryetarja e delegacionit të PE për Shqipërinë, Monica Macovei thotë se veprimet e opozitës, djegia e mandateve dhe protestat, rrezikojnë ritmin pozitiv të ecurisë së reformave, duke dërguar sipas saj një mesazh të gabuar tek partnerët evropian.

Kryetarja e delegacionit të PE për Shqipërinë, Monica Macovei thotë se veprimet e opozitës, djegia e mandateve dhe protestat, rrezikojnë ritmin pozitiv të ecurisë së reformave, duke dërguar sipas saj një mesazh të gabuar tek partnerët evropian. Në një reagim pas protestës së sotme të opozitës para Kuvendit të Shqipërisë, teksa brenda mbahej seancë, Macovei, thotë se dhuna nga ana e opozitës dhe gjuha e dhunës nga liderët politikë, është e papranueshme për demokracinë. Mbi të gjitha kur Shqipëria aspiron integrimin në Bashkimin Evropian – thekson ajo.

Njëjtë si dhe delegacioni që erdhi në Tiranë disa ditë më parë, edhe Macovei thotë se zgjedhjet e 2017-ës ishin korrekte të vëzhguara nga OSBE/ODIHR, dhe si të tilla, edhe qeverinë e bëjnë legjitime.

Reagimi

Në cilësinë e Kryetarit të Delegacionit të PE në Komisionin Parlamentar të Stabilizim Asociimit BE-Shqipëri, unë besoj fuqishëm se Shqipëria po përparon drejt pranimit në BE dhe zbatimin e axhendës së reformave të BE.

Unë besoj se qeveria e tanishme është në rrugën e duhur në transformimin e sistemit të drejtësisë në vend. Reforma e drejtësisë ka prodhuar rezultate të prekshme në luftën kundër korrupsionit dhe krimit të organizuar.

Për fat të keq, veprimet më të fundit të opozitës rrezikojnë të rrënojnë ritmin e reformave të tilla dhe po dërgojnë mesazhin e gabuar te partnerët evropianë. Episodet e dhunshme në të cilat opozita ka sulmuar institucionet publike, si dhe gjuha që nxit dhunën e përdorur nga udhëheqësit e opozitës janë të papranueshme për çdo demokraci evropiane. Kjo është edhe më e rastësishme duke pasur parasysh statusin e vendit kandidat të Shqipërisë dhe vendimin e ardhshëm për të hapur apo jo negociatat e pranimit.

Parlamenti shqiptar duhet të jetë platforma e vetme për diskutim politik. Deputetët e opozitës kanë tradhtuar votuesit e tyre duke hequr dorë nga mandatet e tyre dhe kanë provuar se opozita nuk po punon drejt afrimit të Shqipërisë me BE.

Pas zgjedhjeve të përgjithshme të vitit 2017 dhe raporteve të OSBE / ODHIR, si dhe vëzhguesve të tjerë nga vendet anëtare të BE-së, ne konsiderojmë që Parlamenti dhe qeveria shqiptare të jenë plotësisht legjitime

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.