Sociale

Zbuloi “sekretin” se në mbledhje qeverie analizohen “like” në Facebook, Rama hakmerret ndaj Taulant Mukës

taulant-1

Kryeministri Rama u hakmor dje ndaj ish-zv/ministrit të Arsimit, Taulant Muka duke e quajtur larvë.

Ish-zv/ministri ndenji në detyrë vetëm 2 javë dhe dha dorëheqjen pasi tha se posti i tij ishte honorifik dhe se ai nuk kishte fuqi të ndryshonte sistemin arsimor.

Gjithashtu, Taulant Muka bëri publike një “sekret” të mbledhjes së qeverisë. Sipas tij, kur erdhi momenti i analizës së punës së secilës ministrie, nuk shqyrtohet performanca, por analizohej sa “like” dhe “share” kishte gjatë javës postimi i çdo ministri.

rama

Kryeministri Rama rrëfeu të vërtetën e tij lidhur me emërimin dhe me pas dorëheqjen e ish-zëvendësministrit të Arsimit Taulant Muka.

Rama:  Taulant Muka që u bë dhe personazh që nuk e meriton. Nuk e njihja fare. Shkoi te Lindita Nikolla dhe kërkoi takim me të. Më tha Nikolla se kam një grup pedagogësh së bashku me një  djalë që është në Zvicër që ka një ide për këtë e atë. Ky ndërkohë kishte lëshuar disa nga ato filuret për plagjiaturat. I thashë bjeri këtu se kisha dëshirë ti takoja.

Erdhën në zyrën time ishin një grup pedagogësh, gra e burra dhe një djalë nga Kosova. Njerëz të nderuar. Këtë e nderova më shumë sesa është ky i nderuar. Më shtroi platformën e tij. I thashë ku je ti. Më tha jam në Zvicër, në një katedër shkencëtar. I thashë që nuk mund ti bëjë të gjithë qeveria. Ti në Zvicër dhe na hedh shashka këtu dhe na tregon sesi duhet ta bëjmë sikur nuk shkon. Do të vish ta bësh ti.

 Dhe ai zëvendësministri që ti e akuzon i thashë, ai thotë se nuk ke të drejtë, dhe ti e akuzon. Të ikë ai dhe të shkosh ti në vend të tij. Se prisja tha. I thashë ti nuk pret shumë gjëra por kjo është ajo që të propozoj. Dhe ju si grup merreni dhe bëjeni këtë gjë me autoritetin e qeverisë. Ose i thashë ik dhe kjo nuk bëhet. Ti hymë ne luftës me pedagogë, rektorë, dekanë,me studentët që flenë gjumë, që rrinë në lloto, mbartin provimet dhe ekselentët që shohin punën e tyre. Edhe me Lulin dhe Monikën që thonë diktatori  Edi Rama kapi dhe Universitetin, jo i thashë.

 Jeni ju të Universitetit, merreni, ti je zëvendësministri, bëje. Çfarë bëri? Ditën e parë dua veturë me shofer. Nuk kanë vetura zëvendësministrat.Si ka mundësi tha? Po banjën pse nuk e kam në zyrë?Po kjo, po ajo? Babain e dua shofer të punësuar në Ministri. Më thoshte Lindita këto çfarë bën ky, se unë se takova më. Më çoi një mesazh dhe i thashë komuniko me Drejtorin e  Kabinetit. Merre me qetesi,  është gjë tjetër. 

Mund të jesh shkencëtar por nuk do të thotë asgjë. Aty ke shkuar të drejtosh dhe menaxhosh. Papritur e pakujtuar jep dorëheqjen dhe thotë se Edi Rama më tha se unë jam një mësues vizatimi, Lindita është një zyshë. Ti tani që erdhe të na shpëtosh Shqipërinë! Një larvë, kaq. Këtë mendoj unë për të.

Categories: Sociale

Tagged as:

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.