Sociale

Industria e bixhozit qarkulloi 162 milionë USD

Një vit më parë industria e bixhozit në Shqipëri qarkulloi 162 milionë Dollarë me mbi 4 mijë pika të shpërndara në të gjithë vendin.

Vitin e ardhshëm të gjitha kazinotë elektronike do të zhvendosen në zonat e pabanuara, ndërsa bastet sportive nuk do të lejohen më. Nisma tashmë është bërë konkrete pasi Kryeministri Rama ka publikuar draftin e ndryshimeve në ligjin për lojrat e fatit.

Për ish-ministrin e Financave Arben Malaj, mbyllja e lojrave të fatit është një nisëm që është tentuar nga shumë qeveri, por që për shkak të presioneve të forta është lënë në mes të rrugës.

Ai sqaron se kostot ekonomike që mund të krijohen nga humbja e vendeve të punës apo të ardhurat në buxhet nga këto ndërmarrje që mbyllen, mund të zëvendësohen me hapjen e bizneseve të reja dhe rritjen e konsumit në sektorë të tjerë të ekonomisë.

Profesori i ekonomisë tregon se industria e lojrave të fatit përdor makinacione marketingu të rrezikshme për krijimin e varësisë ndaj individëve, që nga ngjyrat, muzika dhe alkooli që përballen lojtarët.

Në Shqipëri, shoqëritë e lojrave të fatit renditen ndër më të mëdhatë sa i takojnë numrit të të punësuarve, ndërsa rreshtohen mes 100 tatimpaguesve me fitimet më të larta.

Categories: Sociale

Tagged as:

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.